Ásta ekki í prófkjör í Reykjavík

Ásta Ragnheiður Jóhannesdóttir, forseti Alþingis.
Ásta Ragnheiður Jóhannesdóttir, forseti Alþingis. mbl/Ómar

Ásta Ragnheiður Jóhannesdóttir skilaði ekki inn framboði í prófkjör Samfylkingarinnar í Reykjavík. Þetta staðfesti Stefán Benediktsson, formaður kjörstjórnar, við mbl.is. Framboðsfrestur í flokksval Samfylkingarinnar í Reykjavík rann út kl. 19 í gærkvöldi.

Ásta Ragnheiður hefur verið þingmaður frá árinu 1995 og situr nú sem forseti Alþingis. Hún hefur setið fyrir Þjóðvaka, Alþýðuflokkinn og Samfylkinguna.

Ekki náðist í Ástu Ragnheiði og því er óvíst hvort hún hyggst hætta í pólitík eða bjóða sig fram í öðru kjördæmi. 

mbl.is

Bloggað um fréttina

Loka