Þorbjörg Sigríður Gunnlaugsdóttir, þingmaður Viðreisnar, segir greinilegt að þungur ágreiningur sé á milli formanna flokkanna sem nú mynda ríkisstjórn. 

Í færslu á Facebook fjallar Þorbjörg um þær fréttir dagsins að fjárlög muni ekki liggja fyrir fyrr en í byrjun desember. 

Frétt af mbl.is

Ríkisstjórnin ekki tilbúin með fjárlagafrumvarp

„Í tæpar 8 vikur hefur stjórnin verið í viðræðum um það hvernig þau geta hugsað sér að starfa áfram. Og greinilega er þungur ágreiningur um mál enda hefur allur þessi tími ekki dugað til. Fjárlögin verða ekki tilbúin fyrr en í desember,“ skrifar Þorbjörg.

Með ólíkindum

Hún segir fjárlög alla jafna stærsta verkefni haustþingsins þar sem tekjuöflun og útgjöld ríkisins eru römmuð inn. „Sem sagt sýn stjórnarinnar um hvaða verkefni á að verja fjármunum í. Pólitíkin sjálf.“

Að vanda þurfi til verka og með ólíkindum sé að flokkarnir þrír sem störfuðu saman fyrir kosningar skulu ekki vera tilbúin í vinnuna. Stór verkefni séu framundan og að þessi byrjun veki upp spurningu um verkstjórn. 

Færslu Þorbjargar í heild sinni má lesa hér: 

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Snemmbúinn inngangur að hátíð ljóss og friðar