Formlegar viðræður hafnar á Akureyri
Urður Egilsdóttir
Setja bókamerki
Heimir Örn Árnason, oddviti lista Sjálfstæðisflokksins á Akureyri, staðfestir í samtali við mbl.is að formlegar viðræður séu hafnar um myndun meirihluta í bænum.
Bæjarlisti Akureyrar, Sjálfstæðisflokkur og Framsóknarflokkur funduðu í dag og munu aftur funda á morgun að sögn Heimis.
L-listinn, bæjarlisti Akureyrar, fékk 18,7% atkvæði og fær því þrjá fulltrúa og bætir þar með einum við sig.
Sjálfstæðisflokkurinn fékk 18,0% atkvæði og fær því tvo fulltrúa en í síðustu sveitarstjórnarkosningum fékk flokkurinn þrjá. Framsóknarflokkurinn fékk 17,0% atkvæði og fær tvo fulltrúa.
Flokkarnir mynda því sjö manna meirihluta í ellefu manna bæjarstjórn.
„Við erum bara bjartsýn. Við munum funda stíft og fara í málefnavinnuna. Við gefum okkur samt góðan tíma í þetta,“ segir Heimir.
Skar höfuðleðrið af íslenskri konu
Kaldasti veturinn kom að óvörum
Vélsleðaslys: Þyrlan kölluð út á mesta forgangi
Hvorki sést áður hér á landi né annars staðar
Eyjafjarðarbraut lokað vegna alvarlegs umferðarslyss
Sex hafa greinst með listeríu
Skiptir miklu meira máli en fólk grunar
„Höfum ekki náð að skríða upp úr þeirri gryfju“