Bláa útgáfan, Royal Frances

Þessi var fyrst hnýtt fyrir 25 árum í Veiðimanninum í …
Þessi var fyrst hnýtt fyrir 25 árum í Veiðimanninum í Hafnarstræti. Svo virðulegur var félagsskapurinn að hún fékk nafnið Royal Frances. Ljósmynd/Veiðihornið

Þessi útgáfa af Frances varð til í Veiðimanninum fyrir um 25 árum þegar Ólafur Vigfússon hnýtti hana að viðstöddum forseta lýðveldisins og þáverandi forsætisráðherra. Það gefur augaleið að ekki var hægt annað en að gefa henni virðulegt nafn. Royal Frances er eitthvað sem hefur verið að gefa vel fyrir austan. Til dæmis í Vopnafirði.

Allir aðdáendur Frances ættu að hafa þessa í huga. Allir veiðimenn þekkja virkni rauðu og svörtu útgáfunnar af þessari baneitruðu flugu. Einnig eru til aðrar litaútgáfur, gul og græn og jafnvel hvít. Ólafur Vigfússon í Veiðihorninu valdi Royal Frances sem flugu dagsins.

Sporðaköst heyrðu frá veiðimanni sem var í Hofsá fyrir skemmstu og notaði töluvert þessa konunglegu útgáfu. Hann sagði: „Þetta var langöflugasta flugan í hollinu, reistum marga,  misstum tvo. Einn sleit í loftfimleikum og einn kom á land.“

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Fossá Guðbjörn Gunnarsson 1. október 1.10.
101 cm Víðidalsá Nils Folmer Jörgensen 26. september 26.9.
104 cm Laxá í Dölum Sigurður Smárason 25. september 25.9.
100 cm Miðfjarðará Róbert G. Grímsson 24. september 24.9.
104 cm Stóra Laxá Rúnar Gauti Guðjónsson 23. september 23.9.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.

Skoða meira