Veiði | mbl | 9.7.2021 | 8:48

Nýjasta útfærslan af Frances

Þetta er ný útfærsla og kallast tvöfaldur Frances. Enginn búkur er hnýttur aftan við keiluna, heldur eru tvær keilur settar saman. Ljósmynd/Veiðihornið

Einhver mest notaða fluga á Íslandi er Frances. Hún er reyndar til í fjölmörgum útgáfum. Allt frá því að vera stór túpa yfir í litlar og nettar flugur. Nú er komin fram enn ein útgáfa af þessari vinsælu flugu. Ólafur Vigfússon í Veiðihorninu velur flugu dagsins.

„Þetta er tvöfaldur Frances. Þessi keilutúpa hefur verið leynivopn nokkurra veiðimanna undanfarið. Hnýtingin er óhefðbundin því í stað þess að hnýta búk aftan við tungstenkeiluna er notuð önnur keila. Sem sagt tvöföld tungstenkeila. Þessi steinsekkur hratt og er nauðsynleg í vopnabúrið þegar koma verður flugu hratt niður fyrir þungan straum. Tvöfaldur Frances er til bæði rauður og svartur með svartri og gulri tungstenkeilu,“ segir Ólafur um flugu dagsins að þessu sinni.

Veiðihornið er samstarfsaðili Sporðakasta

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.