Matur | mbl | 25.7.2018 | 12:05

Kjúklingabringur fylltar með döðlupestó

Algjört lostæti. mbl.is/TM

Ljúffengur kjúklingur sem svíkur engann. Gott er að bera hann fram með sætkartöflum og salati eða soðnu taglatelle. Pestóið er alger snilld hvort sem er í matseld, á brauð eða bakað eggaldin. Svo passar rétturinn alveg sérstaklega vel í veislur. Uppskrift af því er HÉR.

Kjúklingabringur fylltar með döðlupestó
fyrir 4

4 kjúklinga bringur
½ skammtur af döðlupestó uppskriftinni sem gefin er upp hér að ofan
Salt
pipar
10 Picollo tómatar eða aðrir smátómatar
1 msk ólífuolía
10 lauf - fersk basilíka

Aðferð:

Stillið ofninn á 190 gráður.
Pennslið eldfast mót með olíu og leggið bringurnar í það.
Saltið þær og piprið.
Skerið rauf í bringuna miðja og fyllið hana með döðlupestó og ekki vera nísk!
Stráið tómötum yfir bringurnar í fatinu og saxið 10 basilíkulauf og dreifið yfir.
Bakið kjúklinginn í 40 mínútur. Athugið að baksturslengd fer eftir stærð og þykkt.