Íslensk hönnun í eldhúsum landans

Íslensk hönnun í hæsta gæðaflokki frá FÓLK.
Íslensk hönnun í hæsta gæðaflokki frá FÓLK. mbl.is/FÓLK

Við föllum kylliflöt fyrir nýjustu vörulínu FÓLK! Enn og aftur sjáum við dásemdar-vörur sem skilja eitthvað eftir í hjartanu – sem er alveg við það að bráðna niður á gólf. Urban Nomad-hillurnar voru fyrsta varan frá FÓLK og sjást þær víða í eldhúsum landans, en þær hafa líka sett allt á hliðina þar ytra og birtast í hönnunartímaritum út um allan heim eins og Elle Décor Italia, Bo Bedre, BoligMagasinet og Architectural Digest, svo eitthvað sé nefnt.

Flestir skreyta eldhúsin sín nú til dags með meiru en bara ristavél og sleifum, og það þykir hámóðins að hengja upp léttar hillur og stilla þar upp leirtaui í bland við aðra skrautmuni eins og myndum og kertastjökum. En það voru einmitt að koma nýir kertastjakar sem einnig þjóna tilgangi vasa frá FÓLK, úr marmara og messing sem stela allri athyglinni.

Abstrakt kertastjakar sem þjóna líka tilgangi vasa. Hannaðir af Ólínu …
Abstrakt kertastjakar sem þjóna líka tilgangi vasa. Hannaðir af Ólínu Rögnudóttur fyrir FÓLK. mbl.is/FÓLK
Urban Nomad-hillurnar sem hafa notið mikillar velgengni hér heima og …
Urban Nomad-hillurnar sem hafa notið mikillar velgengni hér heima og úti í heimi. mbl.is/FÓLK
Létt yfirbragð á hillunum sem finnast í ýmsum stærðum og …
Létt yfirbragð á hillunum sem finnast í ýmsum stærðum og gerðum. mbl.is/FÓLK
mbl.is