Matur | mbl | 12.3.2019 | 14:02 | Uppfært 16:29

Rétturinn sem inniheldur 291 hitaeiningar

Ekki bara girnilegt heldur líka hollt og gott. mbl.is/Damndelicious.net

Hér kynnum við stórkostlegan rétt sem er hinn fullkomni morgun- eða hádegismatur. Bökuð tortilla með eggjablöndu og brokkolí ásamt ferskum ávöxtum. Þú þarft ekki að óttast aukakílóin er þú gæðir þér á þessum rétti sem telur ekki nema 291 kalóríu í heildina og geymist allt að þrjá daga í ísskáp.

Rétturinn sem telur ekki kalóríur

1 msk. ólífuolía
2 hvítlauksrif, marin
1 bolli skinka, skorin í bita
2 bolli brokkolí, skorið í litla bita
4 stór egg
Kosher-salt og pipar
2 vorlaukar
4 heilhveiti-tortillur
½ bolli rifinn fitusnauður ostur (helst cheddar)
½ bolli hindber
½ bolli bláber
4 mandarínur eða appelsína

Aðferð:

Hitið ofninn á 200°. Setjið bökunarpappír á bökunarplötu.
Hitið olíu á stórri pönnu á meðalhita. Setjið hvítlauk á pönnuna og látið malla í eina mínútu, bætið þá skinku og brokkolí út á pönnuna og steikið áfram í 3-4 mínútur.
Bætið þá eggjunum út á pönnuna og hrærið í á meðan þau eldast í 3-5 mínútur, blandið þá lauknum saman við.
Setjið eggjablöndu á helminginn á hverri tortillu og stráið osti yfir. Brjótið tortilluna til helminga og komið fyrir á bökunarplötunni.
Bakið í ofni í 5-6 mínútur eða þar til osturinn hefur bráðnað.
Raðið tortillu, hindberjum, bláberjum og mandarínum í lofttæmt box til að taka með í nesti.