Matur | mbl | 24.4.2019 | 11:03

Kjúklinga- og beikonpasta með rjómasósu

mbl.is/Tinna Alavis

Hér gefur að líta skothelda uppskrift sem ætti að falla í kramið á flestum heimilum. Hún er jafnframt frábær daginn eftir sem er algjör bónus - þá ekki síst ef maður er svo heppinn að eiga afgang.

Það er engin önnur en Tinna Alavis sem á heiðurinn að þessari uppskrift.

Kjúklinga- og beikonpasta með rjómasósu

kjúklingabringur
beikon
penne pasta
1 pakki sveppir
rauð paprika
2 laukar
graslaukur
1 peli rjómi
rúmlega hálfur parmesanostur
mozzarellaostur
piparostur

Aðferð:

Byrjið á því að steikja sveppi, lauk og papriku á lítilli pönnu (setjið til hliðar).
Steikið beikonið þangað til það er orðið stökkt (setjið til hliðar).
Steikið því næst kjúklingabringurnar (kryddið með salti + pipar) og sjóðið penne pastað á sama tíma.
Takið fram pott og hellið rjómanum út í.
Bræðið piparostinn og parmesanostinn á vægum hita.
Þegar pastað er soðið hellið vatninu af og bætið því saman við rjómaostablönduna ásamt kjúklingnum (sem búið er að skera í passlega stóra bita).
Steikta grænmetið fer svo saman við í lokin.
Smakkið til með svörtum pipar.
Berið réttinn fram með smátt skornum graslauk og mozzarella osti.

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita...