Mexíkósúpan sem sögð er stórkostleg

Ljósmynd/Berglind Guðmundsdóttir

Ást íslensku þjóðarinnar á Mexíkósúpum er annáluð enda hefur samnefnd súpa Evu Laufeyjar verið vinsælasta uppskrift Matarvefjarins nokkur ár í röð.

Hér er það stórskyttan Berglind Guðmunds á GRGS.is sem reiðir fram sína útgáfu sem er sögð algjörlega stórkostleg. Það þarf enginn að vera hissa á því enda Berglind flinkari en flestir í eldhúsinu.

Mexíkósúpan sem sögð er stórkostleg

  • 3-4 msk. ólífuolía
  • 3-4 kjúklingabringur, t.d. frá Rose Poultry
  • 3 rauðar paprikur
  • 1 púrrulaukur
  • 1-3 msk. karrý
  • 1-3 stk. hvítlauksrif
  • 2 flöskur Heinz-chilísósa
  • 400 g Philadelphia-rjómaostur
  • 500 ml matreiðslurjómi
  • 1 l vatn (jafnvel meira)
  • 1 msk. Oscar's-kjúklingakraftur
  • cayenne-pipar
  • salt og pipar

MEÐLÆTI

  • Nachos-flögur, mæli með þessum frá Mission
  • Sýrður rjómi
  • Rifinn ostur

LEIÐBEININGAR

1. Skerið kjúkingabringurnar í bita og steikið á pönnu með salti og pipar. Setjið til hliðar á disk.

2. Skerið grænmetið smátt.

3. Hitið olíu í stórum potti ásamt karrý. Bætið grænmetinu út í pottinn og mýkið.

4. Látið chilí-sósuna, rjómaostinn, rjóma, krydd og kjúklingakraft út í pottinn og vatni. Látið malla í 15 mínútur.

5. Setjið kjúklinginn saman við og bætið við meira vatni ef þörf er á. Smakkið til með kryddi.

mbl.is