Ef einhver veit hvernig á að galdra fram geggjaðar veitingar í veisluna þá er það Berglind Hreiðars á Gotteri.is. Hún segir að þessi brauðréttur hafi slegið öll met og að smjörsteikja ferskan aspas lyfti honum á æðra stig.
Papriku- & pepperoni-ostabrauðréttur
- 1 x pepperoni-ostur frá MS
- 1 x paprikusmurostur frá MS
- 500 ml matreiðslurjómi frá Gott í matinn
- 200 g sveppir
- 12 stk. ferskur aspas
- 200 g skinka
- 10 brauðsneiðar
- Smjör til steikingar
- Salt og pipar
- Rifinn mozzarella-ostur frá Gott í matinn
Aðferð:
- Skerið skorpuna af 10 brauðsneiðum og geymið.
- Rífið pepperoni-ostinn niður með rifjárni og setjið í pott ásamt paprikusmurosti og 250 ml af matreiðslurjóma. Hitið þar til ostarnir hafa samlagast rjómanum og bætið þá restinni af matreiðslurjómanum saman við og hrærið vel, leggið til hliðar.
- Skerið sveppina niður og steikið upp úr smjöri, kryddið til með salti og pipar, geymið.
- Skerið aspasinn í munnstóra bita, steikið upp úr smjöri og kryddið til með salti og pipar, geymið.
- Skerið skinkuna niður í bita og leggið til hliðar.
- Samsetning: Smyrjið eldfast mót vel með smjöri og raðið brauði yfir allan botninn. Stráið sveppunum yfir brauðið og um 1/3 af sósunni. Setjið þá næsta lag af brauði og skinkuna ofan á það ásamt 1/3 af sósunni. Þá kemur síðasta lagið af brauði, aspas, restin af sósunni og vel af rifnum osti yfir allt saman.
- Hitið við 180° í um 25-30 mínútur eða þar til osturinn verður gylltur.
Ljósmynd/Berglind Hreiðarsdóttir