Þær fregnir berast úr hönnunarheiminum að hönnuðurinn Jonathan Adler ætli að hanna línu fyrir H&M Home. Kemur línan í almenna sölu hinn 14. nóvember og ef að líkum lætur verður hún stórkostleg.

Fyrir þá sem ekki þekkja Adler þá hannar hann bæði húsgögn og skrautmuni til heimilisins. Hann notar sterka liti, mynstur og form og er óhræddur við að brjóta allar reglur.

Adler nýtur gríðarlegra vinsælda og því má með sanni segja að samstarfið við H&M Home sé hvalreki fyrir fagurkera um heim allan. Þetta er jafnframt í fyrsta skiptið sem H&M Home fer í samstarf við þekktan hönnuð.

Það er því eins gott að merkja dagsetninguna því fastlega má búast við að allir gripirnir seljist upp á örskotsstundu.

Heimild: Elle Decor

Fallegar skálar sem sóma sér vel á hvaða borðstofuborði sem er - eða í eldhúsinu undir ljúffengt góðgæti. Ljósmynd/H&M Home

Kaffibollar með einkennistákni Adler sem eru andlit. Ljósmynd/H&M Home

Tengdar fréttir

Huggulegheit

Svana skreytir með eilífðarblómum og páskaföndri eftir börnin

• Stroganoff að hætti Húsó á vel við í dymbilvikunni
• Bakað lambalæri með bernaise og grænmeti á einfalda mátann
• Gratínerað gnocchi með hakki og ostasósu
• Ómótstæðilegar nýjungar frá FERM Living

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt