Ommeletta sem þú mátt alls ekki missa af

Besta byrjun á deginum! Ommeletta með spínati og beikon.
Besta byrjun á deginum! Ommeletta með spínati og beikon. mbl.is/Colourbox

Ommeletta með fyllingu er dásamleg byrjun á deginum. Hér er um einfalda útgáfu sem bragðast betur en hugsast getur.

Ommeletta sem þú mátt alls ekki missa af (fyrir 4)

  • 8 egg
  • ½ dl mjólk
  • Salt og pipar
  • 100 g beikon
  • Ólífuolía
  • 2 stórar mozzarella kúlur

Annað:

  • 200 g spínat
  • 100 g fetaostur

Aðgerð:

  1. Pískið egg með mjólk og kryddið með salti og pipar.
  2. Steikið beikon á pönnu upp úr olíu.
  3. Takið beikonið af pönnunni og setjið smá olíu á pönnuna. Hellið sirka ¼ af eggjamassanum á pönnuna og steikð þar til massinn byrjar að festa sig.
  4. Rífið mozzarella ostinn í litla bita og leggið fjórðung á helminginn af eggjakökunni, ásamt smáveigis af beikoni.
  5. Steikið þar til eggjamassinn hefur tekið sig.
  6. Brjótið eggjakökuna í hálfmána og setjið já disk.
  7. Endurtakið allt saman þar til þú ert með fjórar eggjakökur í heildina.
  8. Blandið spínati og fetaosti saman og veltið upp úr smá olíu.
  9. Berið fram ommelettu og spínatsalat með fetaosti.
mbl.is