Matur | mbl | 14.5.2020 | 14:07

Grillaður kjúklingur með salati og stórkostlegri dressingu

Kjúklingasalatið sem þú munt borða í allt sumar. mbl.is/Colourbox

Þetta er kjúklingasalatið sem við munum borða í allt sumar. Einfalt, bragðgott og brakandi ferskt – með stórkostlegri ítalskri dressingu. Stundum þurfa hlutirnir ekki að vera flóknari en þetta.

Kjúklingasalat með stórkostlegri dressingu

Kjúklingalundir frá Ali
Ólífuolía
Oregano
Rósmaríngreinar
Salt og pipar

Ítölsk dressing

½ bolli majónes (110 g)
¼ bolli mjólk
2 msk. balsamik-edik
¾ tsk. ítalskt krydd
¼ tsk. sykur
1 hvítlauksrif, marið
Salt og pipar

Salat

Salat að eigin vali
1 avocado
10 kirsuberjatómatar
Önnur hráefni að eigin vali

Aðferð:

Blandið saman ólífuolíu, oregano, rósmarín, salti og pipar. Leggið kjúklingin í blönduna og veltið upp úr.
Stingið grillpinnum í kjúklinginn og grillið þar til eldaður í gegn.
Dressing: Blandið öllum hráefnunum saman í blandara.
Salat: Setjið salat í stóra skál og blandið öðrum hráefnum saman við.
Berið fram grillaðan kjúkling með brakandi fersku salati og toppið með ítalskri dressingu.