Léttsteikt rjúpa með rósapipar, súmaki, kóríander og kanil, borin fram með röstikartöflum, kirsuberjasósu og nípu- og perumauki

Fyrir 4

Skerið bringur og læri af rjúpunum.

Höggvið beinin í 3-4 cm bita.

Hitið olíu í potti og brúnið beinin og lærin við góðan hita í 4-5 mínútur eða þar til allt verður gullinbrúnt.

Kryddið með salti og pipar.

Hellið vatni í pottinn og hleypið suðunni rólega upp.

Veiðið allan sora og fitu af soðinu.

Sjóðið við vægan hita í 1½ klukkustund.

Sigtið þá soðið í annan pott og sjóðið niður um helming.

Geymið lærin og haldið heitum.

Rjúpusósa

Aðferð:

Blandið öllu kryddinu saman.

Hitið olíu í potti og látið laukinn krauma í 2 mínútur án þess að brúna hann.

Bætið helmingnum af kryddblöndunni í pottinn og látið krauma 1 mínútu.

Afgangurinn af kryddblöndunni er notaður til þess að krydda kjötið.

Þá er balsamgljáa, kirsuberjasósu og soði bætt í pottinn. Sjóðið í 5 mínútur.

Þykkið þá sósuna með sósujafnara.

Takið pottinn af hellunni og bætið smjöri smátt og smátt í sósuna og hrærið stöðugt í á meðan.

Eftir það má sósan ekki sjóða.

Sigtið sósuna, smakkið til með salti og berið fram.

Kjötið

Aðferð:

Kryddið bringurnar með kryddblöndunni og steikið á vel heitri pönnu í 1-2 mínútur á hvorri hlið eða þar til þær eru fallega brúnar.

Færið þá bringurnar í ofnskúffu og í 170°C heitan ofn í 3 mínútur.

Takið þá bringurnar úr ofninum í 3 mínútur.

Endurtakið þangað til bringurnar eru búnar að vera í ofninum í 9 mínútur.

Saltið þá bringurnar.

Berið bringurnar fram með sósunni ásamt lærunum, röstikartöflum, nípu- og perumauki, brenndum fíkjum, gljáðum smárauðlauk og t.d. bökuðu rótargrænmeti.

Rösti-kartöflur

Aðferð:

1. Kreistið allan safa úr rifnu kartöflunum og blandið hvítlauk, timían, salti og pipar saman við þær.
2. Hitið ½ dl af olíu á pönnu og steikið kartöflublönduna í 5 mínútur við meðalhita eða þar til hún er orðin fallega gullinbrún.
3. Snúið þá kartöflukökunni við og bætið afganginum af olíunni á pönnuna, steikið í 5 mínútur til viðbótar.
4. Færið kartöflukökuna yfir í ofnskúffu og bakið í 180°C heitum ofni í 10 mínútur.

Nípu- og perumauk

Aðferð:

1. Sjóðið nípurnar í rjóma við vægan hita í 10-12 mínútur eða þar til þær eru mjúkar í gegn.
2. Steikið perurnar á vel heitri pönnu í smjöri í 3-4 mínútur eða þar til þær eru gullinbrúnar.
3. Færið perurnar ásamt nípum og rjóma í matvinnsluvél og maukið vel.
4. Kryddið til með salti og pipar.

Brenndar fíkjur

Aðferð:

1. Veltið fíkjunum upp úr sykri og brennið með brule-brennara eða snöggsteikið í olíu á vel heitri pönnu í 30 sekúndur á hvorri hlið.

Gljáður perlulaukur

Aðferð:

1. Setjið lauk í pott með köldu vatni þannig að rétt fljóti yfir.
2. Hleypið suðunni upp og kælið svo laukinn strax undir köldu rennandi vatni.
3. Skrælið laukinn og steikið upp úr olíu á vel heitri pönnu þar til hann er orðinn fallega brúnn.
4. Stráið sykri á pönnuna og látið krauma þar til sykurinn fer að dökkna.
5. Bætið balsamediki á pönnuna ásamt rauðvíni, timían, lárviðarlaufi, salti og pipar og sjóðið niður um helming.
6. Berið fram kalt eða heitt.