Sjúklegar Daim súkkulaðibitakökur

Ljósmynd/Berglind Hreiðarsdóttir

Það er meistari Berglind Hreiðars á Gotteri.is hafði veg og vanda að þessari dásemdar uppskrift sem er vel þess virði að prófa.

Uppskriftina er jafnframt að finna í Hátíðarblaði mbl og Hagkaups.

Sætar súkkulaðibitakökur

Um 30-35 stykki

Súkkulaðibitakökur uppskrift

  • 380 g hveiti
  • 1 tsk. matarsódi
  • 1 tsk. salt
  • 230 g smjör við stofuhita
  • 100 g sykur
  • 250 g púðursykur
  • 2 egg
  • 2 tsk. vanilludropar
  • 100 g smátt saxaðir Marabou Daim-bitar
  • 100 g dökkir súkkulaðidropar

Aðferð:

  1. Blandið saman hveiti, matarsóda og salti, leggið til hliðar.
  2. Þeytið smjör, sykur og púðursykur þar til létt og ljós blanda hefur myndast.
  3. Bætið eggjunum saman við, einu í einu, og skafið niður á milli ásamt vanilludropunum.
  4. Bætið næst hveitiblöndunni saman við í nokkrum skömmtum og skafið niður á milli
  5. Að lokum fara Marabou Daim-bitarnir og súkkulaðidroparnir saman við.
  6. Plastið skálina og geymið í kæli í að minnsta kosti 4 klukkustundir, líka í lagi að geyma deigið í kæli yfir nótt svo lengi sem það er vel plastað.
  7. Hitið ofninn í 175°C og setjið kúfaða matskeið af deigi í kúlu fyrir hverja köku, hafið gott bil á milli. Gott að raða um það bil 3 x 4 kúlum á hverja plötu.
  8. Bakið í 12-15 mínútur eða þar til kökurnar fara að gyllast vel á köntunum.
  9. Leyfið þeim síðan alveg að kólna áður en þið skreytið þær.
Skreyting
  • 300 g dökkt súkkulaði (brætt)
  • 50 g saxaðir Marabou Daim-bitar

Aðferð:

  1. Dýfið hverri köku til hálfs í súkkulaði, leyfið því aðeins að leka af, skafið af botninum og leggið kökurnar á bökunarpappír.
  2. Stráið söxuðum Marabou Daim-bitum yfir súkkulaðið áður en það storknar.
Ljósmynd/Berglind Hreiðarsdóttir
Ljósmynd/Berglind Hreiðarsdóttir
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »