Hér er á ferðinni réttur sem passar alltaf – hvort heldur sem er í kvöldmatinn, í nestið eða í hádeginu. Vefjur eru merkilega magnað fyrirbæri þar sem hægt er að setja nánast hvað sem er inn í þær og rúlla upp. Hér er það Berglind Hreiðars á Gotteri.is sem fer á kostum og býr til BLT-vefju sem minnir eiginlega mest á góðan Subway. Ekki spillir fyrir að hún notar léttmajónes frá Hellmann's en það inniheldur nánast engar hitaeiningar sem þýðir að nú getum við sukkað í majónesi án þess að allt fari á hliðina.
BLT-vefjur
Uppskrift dugar í 4 vefjur
- 4 x Old el Paso-vefja (stærri gerðin, seldar 6 í pakka)
- Hellmann's lighter than light-majónes
- 1 box silkiskorin skinka
- 4 x ostsneiðar (ferkantaðar úr boxi)
- 8 steiktar beikonsneiðar (krönsí)
- tómatsneiðar
- blaðsalat
- salt + pipar
Aðferð:
- Leggið vefjurnar á bretti/borð og smyrjið miðjuna með majónesi, 1-2 msk. eftir smekk.
- Skiljið smá pláss eftir á báðum endum til að geta brotið upp á vefjuna og rúllað upp með báða enda lokaða.
- Raðið næst öðru áleggi á miðjuna, saltið og piprið eftir smekk.
- Brjótið upp endana og rúllið eins þétt og þið getið.
- Skerið vefjuna í tvennt í miðjunni og njótið!
Ljósmynd/Berglind Hreiðarsdóttir