Snorri tók uppskriftina upp á næsta stig

Pastaréttur sem ærir bragðlaukana.
Pastaréttur sem ærir bragðlaukana. mbl.is/Snorri Guðmundsson

Ef þú ert sólginn í pasta - þá er þetta réttur sem þú vilt ekki missa af. Hér sjáum við ítalskt bolognese með steiktri parmaskinku og bræddum mozzarella í boði Snorra hjá Matur og myndir.

„Að steikja parmaskinkuna bætir mjög miklu við þennan rétt, bæði í áferð og bragði. Og að rífa mozzarellakúlur yfir réttinn áður en maturinn er borinn fram, er algjör negla,” segir Snorri.

Pastaréttur sem ærir bragðlaukana

  • 300 g ungnautahakk
  • 1 hvítlauksrif
  • 70 g parmaskinka
  • 8 grænar ólífur
  • 180 g spaghetti
  • 200 g niðursoðnir tómatar
  • 90 ml rjómi
  • 30 g parmesan
  • 1 stk. súrdeigs baguette
  • 50 g rifinn mozzarella
  • 10 stk. mozzarella-kúlur
  • 1.5 msk. tómatpúrra
  • 1/2 msk. nautakraftur (Oscar)
  • 2 tsk. Herbs Provence kryddi frá Pottagöldrum
  • 5 g breiðblaða steinselja

Aðferð:

  1. Setjið vatn í pott ásamt ríflegu magni af salti og náið upp suðu.
  2. Hitið olíu á pönnu við meðalháan hita. Rífið Parma skinku í bita og steikið þar til hún er stökk. Geymið.
  3. Hitið olíu á pönnu við meðalháan hita. Bætið hakki út á pönnuna og steikið þar til hakkið er fulleldað. Pressið hvítlauksrif út á pönnuna og steikið í stutta stund. Bætið við tómatpúrru, nautakraft og herbs provence. Steikið í stutta stund. Sneiðið ólífur og bætið út á pönnuna.
  4. Bætið niðursoðnum tómötum og rjóma út á pönnuna. Rífið helminginn af parmesan ostinum saman við og látið malla undir loki á meðan pasta er soðið. Smakkið til með salti.
  5. Bætið spaghetti út í sjóðandi vatnið og sjóðið í um 9 mín eða þar til spaghetti'ið er mjúkt en þó með smá biti (al dente). Geymið smá pastavatn ef þarf til þess að þynna sósuna.
  6. Skerið brauð í tvennt og smyrjið með smá smjöri. Rífið svolítinn parmesan ost yfir og dreifið svo mozzarella osti yfir. Bakið í miðjum ofni á 200°C grill stillingu þar til osturinn er fallega bráðinn og gylltur.
  7. Bætið spaghetti út í kjötsósuna og blandið vel saman. Notið pastavatn til að þynna sósuna ef þarf.
  8. Saxið steinselju hrærið saman við réttinn á pönnunni ásamt steiktri parmaskinku og mozzarellakúlum. Rífið restina af parmesan yfir.
  9. Berið fram með góðu salati.
mbl.is
Fleira áhugavert
Fleira áhugavert