Saltaðir þorskhnakkar í spínatsósu

• 1,200-1,300 kg saltaðir þorskhnakkar með roði
• 4-6 msk. hveiti
• ½ tsk. nýmalaður pipar
• 6 hvítlauksrif söxuð
• 1 box/poki ferskt spínat gróft skorið eða 4-6 stk. lausfryst spínat
• 1 stk. sellerí stilkur, gróft skorinn
• ½ glas hvítvín (má sleppa og nota nota vatn í staðinn)
• 1 ½ bolli rjómi
• ½ teningur af krafti, má vera kjúklinga-, grísa-, grænmetis,- eða fiskkraftur
• ólífuolía og smjörklípa til steikingar

Aðferð:

Fiskurinn

1. Setjið hveiti í skál og piprið eftir smekk.
2. Veltið fiskinum upp úr pipruðu hveitinu.
3. Hitið ólífuolíu og smjör á pönnu.
4. Brúnið fiskbitana á pönnu upp úr ólífuolíunni og smjörinu í 2-3 mínútur á hvorri hlið.

Sósan

1. Hitið ólífuolíu á pönnu á meðalhita.
2. Mýkið upp hvítlaukinn og selleríið í ólífuolíunni, ef notað er ferskt spínat er því bætt við hér.
3. Bætið við hvítvíninu á pönnuna ásamt kraftinum.
4. Látið malla í 2-3 mínútur. Ef notað er frosið spínat er því bætt við hér.
5. Bætið við rjómanum bætt við og látið malla í 5-7 mínútur. 

Samsetning

1. Hellið sósunni í eldfast mót og raðið fiskbitunum í sósuna með roðhliðina upp.
2. Bakið í 180° heitum ofni í 10-12 mínútur.
3. Í lokin er gott að setja grillið á til að fá enn stökkara roð.
4. Berið fram með nýjum kartöflum eða soðnum hrísgrjónum.