Matur | mbl | 10.11.2023 | 18:00

Negroni kokteillinn sveipaður töfrum

Þessi frumlegi og fallegi kokteill á eftir að töfra gestina þína upp úr skónum. Samsett mynd

Þessi uppskrift að hinum fræga negroni kokteil á eftir að töfra gestina upp úr skónum. Hinn bráðflinki barþjónn á Instagram síðunni @the_shadow_bartender sýnir hér fyrir neðan og framreiðir frumlegan og skemmtilegan kokteill sem ber enska heitið „Smoked rosemary negroni sour“. Hér er á ferðinni þægileg uppskrift af óvæntum og ljúffengum kokteil sem steinliggur sem fordrykkur í góðra vina hópi. Uppskrift kemur úr smiðju Julianna McIntosh sem er með Instagram síðuna @join_jules.

Smoked rosemary negroni sour

3 cl af Bobby's Dry Gin
3 cl af Campari
3 cl af sætum vermouth
1,5 cl af rósmarínsírópi
1,5 cl af sítrónusafa
skvetta af appelsínusafa
1 eggjahvíta
Klakar eftir smekk

Skraut

Rósmarín, brennt
Þurrkuð appelsínusneið

Aðferð:

Setjið allt hráefnið í kokteilhristara, í réttri röð eftir hráefnalistanum.
Hristið vel með handbragði barþjónsins.
Hellið í hanastélsglas og skreytið með brenndu rósmarín og þurrkaðri appelsínusneið.