Það hefur lengi þótt vera merki um heilbrgiði að ná átta klukkutíma svefni á hverri nóttu. Þeir sem ná því ekki á virkum dögum geta bætt það upp um helgar samkvæmt sænskri rannsókn sem Washington Post greinir frá.
Torbjorn Akerstedt og félagar hans rannsökuðu yfir 38 þúsund manns á 13 ára tímabili með tilliti til svefns á virkum dögum og um helgar. Fyrri rannsóknir hafa aðallega skoðað meðal svefn fólks og ekki greint á milli virkra daga og helga.
Í ljós kom að fólk undir 65 ára aldri sem fengu aðeins fimm eða færri klukkustunda svefn svaf lifði ekki jafn lengi og þeir sem sváfu alltaf í sjö tíma. Það kom þó í ljós að fólk sem svaf færri en sjö tíma á nóttu en vann það upp um helgar lifiði alveg jafn lengi og þeir sem sváfu alltaf sjö tíma.
Akerstedt tekur þó fram að þetta séu bráðabirgðaniðurstöður enda ekki allir á því að hægt sé að líta á svefn eins og innistæðu á bankabók. Það sé ekki bara hægt að leggja inn á svefninn um helgar og taka af honum þegar manni hentar á virkum dögum.