6 hættulegir hlutir í svefnherberginu

Við eyðum í kringum einum þriðja hluta af lífi okkar uppi í rúmi. Það borgar sig því að hafa svefnherbergið öruggt. Mirror tók saman nokkra hluti sem finnast í svefnherbergjum og geta haft skaðleg áhrif á heilsu okkar. 

Dýnur

Dýna er greinilega ekki sama og dýna en í sumum er að finna hættuleg efni sem eiga að koma í veg fyrir að kvikni í dýnunni. Þegar þessi efni fara út í andrúmsloftið og blandast við rykið getur það valdið höfuðverkjum, svima og öðrum alvarlegri einkennum. Það borgar sig reyndar að þrífa herbergið vel og opna glugga. 

Koddar

Í rannsókn sem gerð var við Háskólann í Manchester kom í ljós að hægt er að finna sveppi í ákveðnum tegundum af koddum. Að leggjast á koddann með blautt hárið getur ýtt undir þetta auk þess sem það borgar sig að þrífa og viðra koddana. 

Ljósaperur

Ákveðin tegund af ljósaperum getur haft slæm áhrif á húðina. Auk þess geta flöktandi ljós valdið höfuðverk. 

Hleðslutæki

Hleðslutæki og önnur rafmagnstæki geta haft truflandi áhrif á líkamsstarfsemina. Margir sofa til dæmis illa þegar þeir sofa nálægt hleðslutækjum og rafmagnsvekjaraklukkum. 

Rafmagnsvekjaraklukka hentar ekki öllum. mbl.is/Thinkstockphotos

Ofnar

Ofninn sjálfur er kannski ekki vandamálið en rykið á bak við ofninn er það. Ryk vill safnast saman á bak við ofna og er það einmitt staður sem fólk gleymir oft að þrífa. Mikilvægt er því að reyna að þrífa reglulega bak við ofna. 

Teppi

Það sama á við teppi en mikið ryk safnast saman í teppum. Gólfið þarf ekki að vera teppalagt enda virka gólfmottur eins. 

• Blogga um frétt