Nigella Lawson gefur lesendum The Sunday Times fjögur skotheld ráð til að tileinka sér auðveldara líf.
„Listin að komast í gegnum lífið veltur á að greiða götu sína hvern dag frekar en að finna lausn á djúpum heimspekilegum vandamálum,“ segir Lawson.
„Ekki tefja að svara þegar þú veist að þú vilt ekki gera eitthvað, bara til þess að særa ekki einhvern eða valda vonbrigðum. Það hjálpar engum og allra síst þeim sem heldur áfram að halda í vonina að þú kunnir að segja já. Þú verður því að læra að segja nei strax. Þannig gefurðu líka hinum aðilanum tíma til þess að finna einhvern annan,“ segir Lawson.
„Besti tíminn til þess að nota þurrsjampó er ekki á morgnana heldur á kvöldin áður en þú ferð að sofa. Þá er ódýrt þurrsjampó alveg jafngott og dýrari gerðin.“
„Hver réttur þarf ekki að vera heitur beint úr ofninum. Það þarf aðeins að tryggja að sósan sé heit.“
„Gerðu það núna. Þetta er dýrmætasta ráðið sem ég gæti nokkurn tímann gefið. Hvort sem um er að ræða þvottahrúgu sem á eftir að ganga frá eða eitthvert spennandi ævintýri.“