Birgitta Líf Björnsdóttir er markaðs- og samfélagsmiðlastjóri hjá World Class og Laugum Spa. Hún hefur brennandi áhuga á líkamsrækt og heilbrigðum lífsstíl. Henni finnst að góð byrjun á deginum innihaldi grænan heilsudrykk. Hún deilir uppskrift að heilsudrykk í heilsublaði Nettó. 

„Þegar ég er í góðri rútínu byrja ég alla daga á þessum drykk en ég læt blanda hann fyrir mig á boostbarnum í World Class Laugum þar sem ég vinn. Drykkurinn er stútfullur af góðri næringu, er orkumikill og mettandi. Persónulega á ég oft erfitt með fyrstu máltíð dagsins og finnst því gott að fá mér eitthvað ákveðið sem er einfalt að útbúa en á sama tíma mjög hollt og leggur grunninn að góðum degi. Ef dagurinn byrjar á góðri og hollri næringu eru mun meiri líkur á að restin verði góð og líkaminn fullur af orku til að taka góða æfingu!

Einnig getur verið gott að bæta vanillupróteini frá NOW við drykkinn en það fer eftir smekk. Próteinið gerir drykkinn örlítið sætari og finnst mér það einföld leið til að fá inn meira prótein í daginn minn þar sem ég æfi mikið,“ segir Birgitta Líf. 

Uppskrift – Heilsudrykkur Dísu

100 g frosið mangó

50 g spínat

20 g engiferrót

20 g sellerí

230 ml pressuð epli

30 g kollagen duft frá Vital Proteins

Allt sett í blandara og þeytt saman. 

Tengdar fréttir

Heilsurækt

Hreyfing gæti verið lykillinn að betri líðan

• Svona er morgunrútínan hjá Kleina
• „Mér var ekkert sérstaklega illa við þessi aukakíló“
• Er gerjaða plóman nýjasta heilsuæðið?
• Hreppti þrjá Íslandsmeistaratitla eftir þrettán ára pásu og fjögur börn

» Fleiri tengdar fréttir

• Blogga um frétt