Eva María Jónsdóttir starfaði lengi í fjölmiðlum en er nú verkefnastjóri Árnastofnunar. Hún er gestur í þætti Margrétar Stefánsdóttur, Heil og sæl, í Sjónvarpi Símans Premium. Eva María segir frá því hvernig hún upplifi að taka sér ársfrí frá áfengi en í þáttunum er rætt um heilsu kvenna. Í þessum þriðja þætti er áfengi til umræðu.
„Konur þola áfengi verr en karlmenn og ekki er ráðlegt að nota það sem leið til þess að slaka á. Við gerum okkur kannski ekki endilega grein fyrir því hvað hófleg drykkja fyrir kvenfólk þýðir í magni; Einn drykkur eða minna á dag að jafnaði? Aldrei meira en fjórir drykkir í senn? Samanlagt minna en sjö drykkir á viku,“ segir Margrét umsjónarmaður þáttanna. Hún segir að víndrykkja sé normaliseruð í tilverunni og við notum áfengið stundum til að slaka á fremur en að fagna.
Þátturinn er sýndur fimmtudagskvöld kl 20.10 í opinni dagskrá en öll þáttaröðin er þegar komin í Sjónvarp Símans Premium.