Skemmtikrafturinn Russell Brand fagnaði því á dögunum að hann hefði haldið sig fjarri áfengi og vímuefnum í tvo áratugi. Hann þakkaði ástvinum sínum fyrir stuðninginn í gegnum árin og sagðist ekki hafa getað gert þetta án þeirra. 

Brand fór í meðferð árið 2002 eftir að hafa verið handtekinn reglulega undir áhrifum. Fór hann í þriggja mánaða meðferð.

„Það sem mér hefur verið kennt og sýnt er að það er ómögulegt fyrir manneskju eins og mig að neyta ekki áfengis og vímuefna, nema ég hafi nógu góðan stuðning frá fólki sem skilur hvernig það er að vera undir áhrifum vímuefna og áfengis, eða þið vitið, ákveðin hegðun er nauðsynleg svo manni líði vel,“ sagði Brand í myndband á Instagram.

Hann sagðist þó taka einn dag í einu og að þetta væri áframhaldandi ferli. „Því enn þá, á hverjum degi í 20 ár án krakks og heróíns, án áfengis, þá finn ég mjög sterka þörf hjá mér að þóknast öðrum eða finna eitthvað til að dreifa huganum,“ sagði Brand. 

Hann hvatti aðra sem glíma við fíkn til að leita sér aðstoðar og sagðist vera þakklátur fyrir að vera á þeim stað sem hann er í dag.

Tengdar fréttir

Edrúland

Stærsti sigurinn að hætta að drekka

• Curtis fagnar 25 ára edrúafmæli
• „Ég var bölvaður sykurfíkill, alltaf að éta sætindi“
• „Alkóhólismi er sjúkdómur einmanaleikans“
• Arnar náði árangri vegna dvalar á áfangaheimilum

» Fleiri tengdar fréttir

• Blogga um frétt