NBA-leikmaðurinn fyrrverandi Shaquille O'Neal er búinn að missa um 18 kíló. O'Neil segist ekki ætla að láta staðar numið í bili og ætlar að léttast um 9 kíló í viðbót. 

O'Neal ræddi við Entertainment Tonight um breytinguna, en hann segir breytt mataræði og breyttar æfingar vera lykilinn að árangrinum.

„Vinkona mín hringdi í mig og sagði: „Þú ert feitur“ og gaf mér svo upp nafnið á einummanni. Og hann sendi mig í blóðrannsókn. Hann sagði mér hvað ég átti að gera og ekki gera, borða meira grænmeti, járnbyrgðirnar væru litlar. Síðan þegar ég gerði þessar breytingar, þá hrundu kílóin af. Þetta snýst mest um að borða rétt,“ sagði O'Neal. 

O'Neal, sem er 216 sentímetrar að hæð, var rúmlega 181 kíló en er nú um 163 kíló.

Körfuboltamaðurinn fyrrverandi segist ekki hafa verið mikil salatæta fyrir en nú taki hann vítamín og bætiefni, drekki hristinga og forðist gos. Svo stefnir hann á að hætta að borða brauð reglulega. 

„Ég held ég gæti náð Marky Wahlberg-útlitinu. Ég vil vera þekktur sem svarti Mark Wahlberg,“ sagði O'Neal og vísar þar til þess þegar Wahlberg kom sér í fantaform fyrir kvikmynd og þyngdi sig svo gríðarlega á stuttum tíma fyrir sömu kvikmynd.

Frétt af mbl.is

Þyngdi sig um 13 kíló fyrir hlutverk

Tengdar fréttir

Heilsurækt

Hreyfing gæti verið lykillinn að betri líðan

• Svona er morgunrútínan hjá Kleina
• „Mér var ekkert sérstaklega illa við þessi aukakíló“
• Er gerjaða plóman nýjasta heilsuæðið?
• Hreppti þrjá Íslandsmeistaratitla eftir þrettán ára pásu og fjögur börn

» Fleiri tengdar fréttir

• Blogga um frétt