Hæstaréttarlögmaðurinn Ástráður Haraldsson og Eyrún Finnbogadóttir hafa sett hús sitt við Frostaskjól á sölu. Húsið er einstaklega smekklegt en búið er að endurnýja það mikið.

Húsið var byggt 1982 og 287 fm að stærð.

Það sem vekur strax athygli þegar myndirnar af húsinu eru skoðaðar er sægræni liturinn á eldhúsinu sem heldur áfram inn í stofu. Í eldhúsinu er nýleg innrétting sem er bæði hvít sprautulökkuð og með efri skápum úr við. Á milli skápanna er sægrænt gler og heldur sami litur áfram inn í stofuna.

Húsið er einstaklega vandað og fínt og búið ákaflega fallegum húsgögnum. Eikin er áberandi í húsgögnunum og á hver hlutur sitt pláss. Í húsinu er ekkert óþarfa prjál heldur bara það allra nauðsynlegasta sem gerir húsið sjarmerandi. 

Við húsið er vandaður og fínn garður með verönd og skjólveggjum. 

HÉR er hægt að skoða húsið nánar.