Stílistinn Simone Harouche á farsælan feril að baki sem stílisti í Hollywood og hefur unnið fyrir stjörnur á borð við Kardashian-fjölskylduna, Christinu Aguilera, Nicole Richie, Jennifer Lopez og Miley Cyrus. Harouche opnaði heimili sitt fyrir Elle Decor nýlega en hún segist ætla snúa sér að innanhússhönnun.
Harouche grínast með að hún sé í miðaldrakrísu þegar hún talar um nýja starfsvettvanginn. Stílistinn var í París með raunveruleikastjörnunni Kim Kardashian þegar Kardashian lenti í vopnuðu ráni og sagðist bara vilja fara heim til sín þegar hún steig út úr flugvélinni.
Heimili Harouche er glæsilegt og ber það með sér að þar er líf. Það er róla í stofunni en hún segir að gestir kunni vel við róluna og finnist hún hafa róandi áhrif.