Við Blómvallagötu í Reykjavík stendur 47 fm íbúð sem er vel skipulögð og smekkleg. Hver einasti fermetri er nýttur til fulls og fær heillandi Boho-stíll að njóta sín í íbúðinni.
Eldhús og stofa eru í sama rými og er sérinngangur inn í íbúðina. Hvít innrétting og opnar hillur eru í eldhúsinu og er íbúðin máluð í mjúkum gráum tón. Fallegir púðar, mottur og svolítið bast fá að njóta sín í rýminu. Eldhúsið er málað í dekkri tón og kemur þetta allt saman mjög fallega út.
Í kjallaranum er svo mjög kósí svefnherbergi sem er skráð sem geymsla.