Svarti liturinn kemur flottur út á innréttingum í íbúð í Vallarhúsum í Grafarvogi. Svört eldhús hafa komið sterk inn undafarin misseri og er eldhúsið í íbúðinni dæmi um hversu svöl eldhús eru þegar vel tekst upp með svarta litinn. Fallega lagðar hvítar flísarnar á veggjunum setja punktinn yfir i-ið. 

Svarti liturinn og iðnaðarstíllinn heldur síðan áfram inn í stofu með svörtu Tom Dixon-ljósunum og alveg inn á aðalbaðherbergið. Stór sturtuklefi með sérstöku gleri í verksmiðjuanda kemur skemmtilega út við svartar flísarnar. 

Af fasteignavef Mbl.is: Vallarhús 41