Brynjar Björn Gunnarsson, þjálfari HK og fyrrverandi landsliðsmaður í knattspyrnu og atvinnumaður um árabil, og Olga Soffía Einarsdóttir hafa sett glæsilegt einbýlishús sitt á Seltjarnarnesi á sölu.
Húsið sem er mikið endurnýjað er stílhreint og smekklega innréttað. Hjarta hússins er þar sem opið eldhús, með eyju og barstólum, og borðstofa mæta stofunum. Sjónvarpsstofan vekur einmitt sérstaka athygli en hún er skemmtilega staðsett í hálfgerðri gryfju við borðstofuna.