Svefnherbergið er persónulegur staður, jafnvel sá persónulegasti í húsinu. Þar geymum við oft persónulega muni og hengjum upp myndir sem okkur þykir vænt um. Cosmopolitan tók saman lista yfir nokkra hluti sem karlmenn elska að sjá í svefnherberginu.
Gardínur
Gardínur slá kynþokkafullan tón í herbergið og gera birtustigið fyrir rúm-leikfimina.
Plötuspilari
Plötuspilari getur bryddað upp á stemninguna og verið upphafið að samtali um hvaða tónlist þið hlustið á. Það getur verið skemmtilegt að hafa nokkrar plötur til hliðar sem hann getur skoðað og þið valið úr hvað þið viljið hlusta á.
Plaköt og málverk á veggjunum
Flottar myndir á veggjunum gera herbergið hlýlegt og fallegt.
Myndir úr ferðalögum
Það er kynþokkafullt að vera heimshornaflakkari. Það er því sniðugt að hengja upp nokkrar myndir úr ferðalögum þínum. Myndirnar geta svo einnig verið upphaf að samtali um ferðalög.
Kerti
Kerti eru punkturinn yfir i-ð þegar það kemur að því að skapa kynæsandi stemningu. Ilmkerti eru líka sniðug til að fá góða lykt í herbergið.
Hlutina í náttborðsskúffunni
Karlmenn elska að þurfa ekki að fara ferð á baðherbergið eða í fatahrúguna til að sækja það nauðsynlegasta þegar kemur að kynlífi, smokka. Það er sniðugt að geyma nokkra smokka, sleipiefni og nuddolíur í náttborðskúffunni.
Harry Potter-bækurnar þínar
Það þurfa ekki endilega að vera Harry Potter-bækurnar, en það er í fínu lagi að hafa bækurnar sem þú elskar uppi í hillu þar sem þær sjást. Þá getið þið mögulega rætt saman um bækur og hvaða bækur þið hafið lesið.