Við Digranesveg í Kópavogi hefur fjölskylda komið sér vel fyrir í 94 fm íbúð í húsi sem byggt var 1960. Í íbúðinni er gott skipulag og pláss fyrir hvern hlut. Ekki er búið að rústa skipulaginu og er eldhúsið sér við hliðina á baðherbergi á meðan stofan er í hinum endanum. Á milli eldhúss og stofu er gangur sem nýtist vel fyrir hillur og dót sem fylgir fjölskyldunni.
Stofan og borðstofan eru í sama rými og er hægt að labba út á verönd úr stofunni. Í stofunni er fallegur grár litur á einum vegg og er húsgögnum raðað upp á smekklegan hátt. Falleg listaverk eru á veggjunum og hafa húseigendur smekk fyrir flottum grafík-verkum.
Eins og sést á myndunum er falleg heildarmynd á heimilinu og góðar hugmyndir fyrir heimilið á færibandi.