Það dreymir marga um að búa í einbýlishúsi, með sér garð og enga nágranna sem halda fyrir þeim vöku eða leiðinlega húsfundi til að mæta á. Einbýlishús eru ekki alltaf 300 fermetrar á mörgum hæðum eða kosta yfir 100 milljónir eins og sjá má á Fasteignavef mbl.is.
Á Freyjugötu er til sölu snoturt einbýlishús í bakhúsi á 49,9 milljónir.
Í Þingholtunum á dýrasta stað í bænum er að finna einbýlishús á 49,9 milljónir. Laghentur einstaklingur getur gert góð kaup á þessu húsi á Óðinsgötu.
Eitt krúttlegasta einbýlishúsið á markaðnum í dag hlýtur að vera á Vesturvallagötu. Húsið kostar 54,5 milljónir en er ekki nema tæpir 54 fermetrar.
Kjalarnesið er sannkölluð sveit í borg og en þar er til sölu 91 fermetra einbýlishús með stórri lóð á 56 milljónir.
Skerjafjörðurinn er eitt eftirsóttasta hverfi borgarinnar en á Einarsnesinu er einbýlishús til sölu á 57,9 milljónir.