Losar sig við þriggja eldhúsa villuna

Hollywood-stjarnan Jessica Alba hefur ákveðið að losa sig við villu sem hún á í Beverly Hills-hverfinu í Kaliforníu. Variety greinir frá fasteigninni sem nú er komin á sölu og er föl fyrir 6.195 milljónir Bandaríkjadala eða vel yfir 738 milljónir íslenskra króna. 

Sérstaka athygli vekur eldhúsaðstaðan í húsinu. Ekki er einungis eitt eldhús í húsinu þar sem einnig er þar stórt útieldhús með sérstökum pizzaofni. Útieldhúsið er hægt að nota töluvert enda alltaf sól og blíða í Kaliforníu.

Húsið er einungis með þremur svefnherbergjum sem er líklega ástæðan fyrir því að Alba og eiginmaður hennar fjárfestu í stærra húsi árið 2017. Á efri hæð er þó lítil íbúð með tveimur svefnherbergjum og þriðja eldhúsinu sem hugsuð er fyrir starfsfólk eða gesti.