Jónas R. Jónsson, fiðlusmiður og fyrrverandi rokkstjarna, og eiginkona hans, arkitektinn Helga Benediksdóttir, hafa sett glæsiíbúðina á sölu en þau eru flutt úr landi eða nánar tiltekið til Portúgals. 

„Kon­an mín hætti að vinna um síðustu ára­mót og fyr­ir löngu ákváðum við að eyða síðasta ævi­skeiðinu í sól og hlýju. Við höf­um verið að und­ir­búa þetta og valið stóð milli Spán­ar og Portú­gals og varð síðar­nefnda landið fyr­ir val­inu. Fyrst vor­um við að gæla við Casca­is-svæðið vest­ur af Lissa­bon. Þar er stutt inn í borg­ina sem er mjög fal­leg og spenn­andi. Borg­in er byggð í hæðum og svo­lítið erfið yf­ir­ferðar. Portúgal er svo­lítið á eft­ir á ýmsa lund og það meina ég í já­kvæðri merk­ingu. Við kom­umst hins veg­ar að því að kuld­inn þarna fer niður fyr­ir okk­ar þol­mörk á vet­urna og fyr­ir vikið tók­um við stefn­una á Suður-Portúgal, Faro – Vilamoura. Þar er dá­sam­legt að vera. Hlýtt á vet­urna og fullt af golf­völl­um. Verst að hvor­ugt okk­ar spil­ar golf, en hver veit – kannski,“ sagði Jónas í samtali við Morgunblaðið í fyrra. 

Nú er íbúð þeirra hjóna komin á sölu en hún er ákaflega vönduð og falleg. Hún er 148 fm að stærð og er í húsi sem byggt var 1947. Í íbúðinni er allt hvítmálað en falleg parketlögð gólf með fiskibeinamunstri skapa hlýleika. Stórir gluggar prýða íbúðina og keyra upp sjarmann. 

Af fasteignavef mbl.is: Drápuhlíð 36