Blár er litur ársins 2020

Litafyrirtækið Pantone hefur valið lit ársins fyrir árið 2020. Á næsta ári verður klassískur blár litur aðalmálið samkvæmt Pantone. Í lok hvers árs afhjúpar Pantone lit komandi árs og hef­ur litavalið mik­il áhrif á tísku­strauma ekki bara hvað varðar inn­an­húss­hönn­un held­ur líka farða og fatnað.  

Á vefsíðu Pantone er liturinn „PANTONE 19-4052 Classic Blue“ sagður bæði glæsilegur en á sama tíma einfaldur. Liturinn er þó ekki bara fallegur heldur hefur einnig táknræna merkingu. Liturinn er sagður tákna von um áræðni, öryggi og skapa frið enda mannkynið að stíga inn í nýtt tímabil. 

Frétt af mbl.is

Litur ársins 2019 afhjúpaður

Litavalið hefur oft verið djarfara eins og þegar kórallitur var valinn litur ársins í fyrra. Fólk sem vill tolla í tískunni ætti þó að geta glaðst enda eru fallega bláar flíkur og hlutir alltaf flottir og fólk þarf ekki að óttast að liturinn detti úr tísku næstu áratugina. 

• Blogga um frétt