Málningarfyrirtækið Farrow & Ball minnir reglulega á mikilvægi þess að við málum heimilið í alls konar litum. Þó svo hvítur litur geti verið dásamlega fallegur. Þá er ekkert því til fyrirstöðu að skoða aðra liti og áhrif þeirra á okkur. 

Grænn litur er sem dæmi talinn róa taugakerfið. Þess vegna eru græn eldhús og græn svefnherbergi vinsæl um þessar mundir.

Rauður litur er talinn gera fólk orkumeira og jákvæðara. Þess vegna eru vinnuherbergi og leikherbergi oft máluð í rauðum lit. 

Blár litur býr til öryggi og traust innra með fólki. Þess vegna er vinsælt að mála fyrirtæki með bláum litum. 

Ástæðan fyrir því að bleikur er vinsæll um þessar mundir er sú að bleik herbergi gera fólk hamingjusamara. 

Svo af hverju ekki að mála heimilið í alls konar litum? Það þarf ekki að kosta mikið og ef liturinn er ekki að ganga má alltaf finna annan lit að mála yfir með. Eins er alltaf gaman að mála minni svæði með fallegum litum. Svo sem rými inn í skápum eða hluta af vegg.