NBA-leikmaðurinn Tristan Thompson hefur sett hús sitt í Encino í Kaliforníu í Bandaríkjunum á sölu. Thompson hefur búið bæði í Cleveland, þar sem hann leikur með liðinu Cleveland Cavaliers, og í Los Angeles þar sem barnsmóðir hans Khloé Kardashian býr. 

Nú eru hann og Kardashian tekin aftur saman eftir um eitt og hálft ár í sundur og því hefur hann engin not fyrir annað hús í Kaliforníu. 

Húsið er staðsett fyrir botni San Fernando dalsins á Los Angeles svæðinu og er eini 916 fermetrar að stærð. Í því er að finna 7 svefnherbergi og sjö og háloft baðherbergi. Húsið var byggt árið 2018 og er fallega innréttað. Þar er að finna falleg eikarparket og nokkur marmara eldstæði. 

Húsinu fylgir 148 fermetra gestahús með tveimur svefnherbergjum og einu baðherbergi. Ásett verð eru 8,5 milljónir bandaríkjadala eða um 1,1 milljarður íslenskra króna.