Knútur og Anna keyptu glæsiíbúð Jóns Ívars

Knútur Bruun og Anna Sigríður Jóhannsdóttir hafa fest kaup á …
Knútur Bruun og Anna Sigríður Jóhannsdóttir hafa fest kaup á glæsiíbúð Jóns Ívars.

Hjónin Knútur Bruun og Anna Sigríður Jóhannsdóttir hafa fest kaup á glæsiíbúð læknisins Jóns Ívars Einarssonar sem starfar við Harvard. Íbúðin er í Garðabænum og einstaklega skemmtileg. Hún var á sínum tíma hönnuð af Rut Káradóttur sem hefur getið sér gott orð sem einn besti innanhússarkitekt landsins. 

Knútur er lögfræðingur og lífskúnstner en hjónin stofnuðu gistiheimilið Frost og funa í Hveragerði og ráku það í 15 ár. Hjónin eru miklir listunnendur en þau ráku Listmunahúsið í Lækjargötu á sínum tíma. 

Það á án efa eftir að fara vel um þau í Garðabænum þar sem stutt er í náttúru, góða veitingastaði og kyrrð. 

Ljósmynd/Eignamyndir.is
Ljósmynd/Eignamyndir.is
mbl.is