Hefur þig alltaf dreymt um að búa eins og greifi? Ef svo er þá er svarið að finna við Gvendargeisla í Grafarholti. Nú hefur eigandi 220 milljóna húss sett það á sölu. Um er að ræða 308 fm einbýli sem byggt var 2008.

Húsið hefur að geyma gott skipulag. Þar er líka hátt til lofts og vítt til veggja en húsið státar af afar vönduðum innréttingum. Innréttingarnar eru í klassískum stíl með náttúrusteini. Eldhús og stofa tengjast saman en í því rými er arinn sem notalegt er að kveikja upp í á köldum vetrarkvöldum. 

Í eldhúsinu eru hvít sprautulökkuð innrétting en inni á milli eru eikar-frontar sem setja svip sinn á dýrðina. 

Í húsinu eru fjögur svefnherbergi og tvö baðherbergi. 

Af fasteignavef mbl.is: Gvendargeisli 102