Þó heimili Hörpu og Gríms í Verbúðinni eigi að vera fyrir vestan í þáttunum voru þættirnir teknir upp hér í Reykjavík, nánar tiltekið í Árbænum. Ólöf Hugrún Valdimarsdóttir, núverandi íbúi hússins, vakti athygli á málinu á Twitter eftir að fyrsti þátturinn fór í loftið.

Ólöf og sambýlismaður hennar keyptu húsið haustið 2020 en fyrir það höfðu tökurnar farið fram í húsinu. Á Twitter segist Ólöf hafa gaman af því að sjá alla íslensku leikarana í húsinu, en þar hefur Harpa setið löngum stundum, keðjureykt og fundið út úr málunum fyrir mennina í lífi sínu. 

Skjáskot/Rúv

Þegar tökur fóru fram í húsinu var það nánast í upprunalegu ástandi en það var byggt árið 1967. Í Verbúðinni höfum við helst fengið að sjá inn í eldhúsið, þar sem sjá má upprunalegu innréttinguna. Í stofunni er myndarlegur arinn með Drápuhlíðargrjóti en húsið var teiknað af Kjartani Sveinssyni.

Fyrsti þáttur Verbúðarinnar fór í loftið á öðrum degi jóla og hefur slegið í gegn. Annar þáttur var sýndur í gærkvöldi á Ríkisútvarpinu. Með aðalhlutverk fara þau Nína Dögg Filippusdóttir, Gísli Örn Garðarsson, Björn Hlynur Haraldsson og Unnur Ösp Stefánsdóttir. 

Tengdar fréttir

Heimili

159 milljóna funkíshús eftir Kjartan Sveinsson

• Valgerður hefur tvisvar keypt sama húsið sem nú er komið á sölu
• Bústaður biskups seldur á 360 milljónir
• Áshildur keypti íbúð Björns Zoëga
• Félag viðskiptakonu keypti bústað biskups

» Fleiri tengdar fréttir

Verbúðin

Verbúðin tilnefnd til evrópskra verðlauna

• Verðbólgan á þessu stigi meira og minna út árið
• Verbúðin: Svona leit landinn út í áttunni
• Rangur þáttur af Hljómskálanum fór í loftið
• Kynfæri, kynlíf og fyllerí í Verbúðinni

» Fleiri tengdar fréttir

• Blogga um frétt