Aron Karlsson og Nína Björk Gunnarsdóttir hafa sett sína glæsilegu íbúð við Sólheima í Reykjavík á sölu. Um er að ræða 175 fm íbúð sem er í húsi sem byggt var 1962. Íbúðin er vel skipulögð og björt. 

Í eldhúsinu er hvít sprautulökkuð innrétting með viðarborðplötum. Í eldhúsinu er tangi sem hægt er að sitja við og einn stór skápaveggur. Innréttingin er höldulaus með gripum. 

Borðstofa og stofa eru samliggjandi en þar er að finna fallegt hringlótt borðstofuborð og PH-ljós fyrir ofan. Veggurinn í borðstofunni er málaður svartur sem tónar vel við svartlökkuðu hurðirnar sem eru upprunalegar, en búið að gera upp. 

Heimilið er smekklega innréttað með fallegum málverkum og húsgögnum. 

Af fasteignavef mbl.is: Sólheimar 10