Við Hvassaleiti í Reykjavík er að finna 258 fm raðhús sem byggt var 1963. Húsið er skemmtilega innréttað en í stofunni er að finna afar fallegan panilklæddan vegg sem setur svip sinn á stofuna. Veggirnir í stofunni eru málaðir gráir og það eru loftin líka. Eldrauður háglansandi flygill setur mikinn svip á stofuna ásamt blómum og listaverkum. 

Úr stofunni er opið út á yfirbyggðar svalir og þaðan hægt að labba niður í skjólgóðan garð. 

Í eldhúsinu er látlaus hvít innrétting og gamaldags borðkrókur. Eins og sjá má á myndunum fá margar sniðugar hugmyndir að njóta sín. 

Í dag er aukaíbúð í kjallara sem hægt er að leigja út en fram kemur á fasteignavef mbl.is að húsið geti hæglega verið þrjár íbúðir. 

Af fasteignavef mbl.is: Hvassaleiti 23