Viltu leigja Kúst og fæjó-íbúðina?

Það getur verið snúið að finna sér íbúð til leigu og sér í lagi ef þú vilt leigja íbúð með sögu. Þú þarft þó ekki að örvænta því á leiguvef Borgar má sjá áhugaverða eign til leigu við Skólavörðustíg 6b.

Íbúðinni er lýst sem gullfallegri og bjartri tveggja herbergja íbúð. Hún leigist með húsgögnum í fimm til sex mánuði frá 1. apríl.

Í leigufréttinni segir að eftirfarandi myndband hafi verið tekið í íbúðinni og sýnir vel hvernig hún er. Nokkuð víst er að aðdáendur Heimilistóna munu bregðast hratt við. Í það minnsta þeir sem eru á höttunum eftir íbúð um þessar mundir. 

• Blogga um frétt