Bandaríska leikkonan Drew Barrymore kom mörgum á óvart þegar hún sýndi frá heimili sínu í New York-borg á samfélagsmiðlinum TikTok. Heimili leikkonunnar er smekklegt og hlýlegt, án íburðar og glamúrs. Flestir búast við því að sjá glæsileika og glamúr á heimilum Hollywood-stjarna en Barrymore virðist kjósa notalegheit og einfaldleika. 

„Ég elska að vera heima hjá mér,“ skrifaði Barrymore við færsluna sem er 15 sekúndna myndskeið. 

Leikkonan, sem gerði garðinn frægan í kvikmyndinni E.T. frá árinu 1982, sýndi fylgjendum sínum inn í eldhúsið sitt, þegar hún spældi sér egg, og kíkti einnig í fataskápinn sinn, sem er mjög hefðbundinn, allavega miðað við fataskápa Kardashian-fjölskyldumeðlima. 

Barrymore gladdi aðdáendur sína og fylgjendur með færslunni, en flestir voru sammála um það hversu ánægjulegt væri að sjá Hollywood-stjörnu í venjulegri íbúð, að gera hversdagslega hluti og bara lifa friðsömu og einföldu lífi. 

Leikkonan býr ásamt tveimur dætrum sínum, Olive og Frankie.

Tengdar fréttir

TikTok

Skiptir miklu meira máli en fólk grunar

• Eggert biðlar til fólks að hætta að „eggja“ húsið sitt
• Lög um bann við TikTok undirrituð í dag
• Tónlist Swift snýr aftur á TikTok
• Ásdís Rán nafngreindi þekktan leikara sem reyndi við hana

» Fleiri tengdar fréttir

• Blogga um frétt