Jólabrjóst eru nýjasta nýtt á Instagram um þessar mundir. Brjóst kvenna eru máluð í anda jólanna, eins og jólakúlur eða hreindýrið Rúdólf með rauða nefið. Það var snyrtivörufyrirtækið Go Get Glitter sem veitti konum þennan innblástur og hvatti þær til að tjá jólaskap sitt á þennan máta. Samkvæmt vefmiðlinum Daily Star er þetta ekki í fyrsta skipti sem jólabrjóstin vekja undrun og eftirtekt. 

Nú þegar jólin eru handan við hornið eru margir farnir að huga að skreytingum og sparifötum til að klæðast við hátíðarhöldin. Í ár ætlar hópur kvenna að bregða út af vananum og leyfa brjóstum sínum að njóta frelsisins yfir hátíðirnar. Það ætla þær að gera með því að sleppa brjóstahöldurum eða öðrum fatnaði og nota þess í stað líkamsmálningu og glimmer. 

Á Instagram-reikningi Go Get Glitter má sjá myndskeið af vel jólaskreyttum brjóstum. Hafa margar konur lýst því yfir að ætla sér að stíga á vagninn og skreyta sín brjóst með samskonar hætti yfir hátíðarnar.

„Veisluhöld jólanna tilbúin,“ sagði einn fylgjandi snyrtivörufyrirtækisins. „Þetta ætla sko ég að gera,“ sagði annar.  

Þá hafa margir komið því á framfæri að þetta útlit gæti verið fullkomið til að sjokkera tengdafjölskylduna eða sýna nægilegt hugrekki og mæta á jólaskreyttum túttunum á jólahlaðborð með vinnufélögunum. 

Hvað svo sem þú ákveður að gera, láttu þér bara ekki verða kalt.

Tengdar fréttir

Jóla jóla ...

Nína Dögg og Gísli Örn héldu upp á jólin í Perú

• Svona skreyta frændurnir í Húsasmiðjunni jólatréð
• 5 myndir sem þú verður að sjá um jólin
• Heldur sín fyrstu jól heima á ADHD-lyfjum
• Fallegar neglur eru skvísubúst um jólin

» Fleiri tengdar fréttir

• Blogga um frétt