Það var margt um manninn við sýningaropnun í Kjallaranum í Geysi Heima á laugardaginn þegar Halla Einarsdóttir opnaði einkasýningu sína, ÞRÖSKULDUR, SKAÐVALDUR, ÁBREIÐUR í kjallara verslunarinnar en þar er rekið gallerí. Fjöldi fólks lagði leið sína á Skólavörðustíginn en boðið var upp á léttar veitingar.  

Geysir Heima er ný hönnunar- og lífstílsverslun sem opnaði í desember síðastliðinn.  Um er að ræða nýjan útgangspunkt hjá Geysi sem hingað til hefur haft fatnað og tískuvöru á boðstólnum en með Geysi Heima bætist nú hönnunarvara og listmunir við úrvalið.