Útvarpsstöðin K100 bauð hlustendum sínum að sjá kvikmyndina Pretty Woman í Bíó Paradís í gærkvöldi. Kvikmyndin sló algerlega í gegn þegar hún var frumsýnd 23. mars 1990. Julia Roberts leikur aðalhlutverkið á móti Richard Gere. Á milli þeirra myndaðist tryllt kemestrí sem átti varla að geta gerst því hún var vændiskona og hann viðskiptamaður.
Sagan af hamingjusömu hórunni á náttúrlega lítið skylt við það sem gerist í nútímanum. Þrátt fyrir að myndin sé barn síns tíma og allt það þá er hún alltaf jafn hrífandi. Allavega var fullt út úr dyrum í Bíó Paradís í gærkvöldi. Gestir fengu að kynnast vörum frá Urban Decay, Sebastian og Daria.is. Auk þess var boðið upp á nýjan Kobberberg Síder.
Pretty Woman er hluti af retro partísýningaseríunni sem K100 og Bíó Paradís bjóða upp á í hverjum mánuði.
Í næsta mánuði verður boðið uppá Top Gun.